आचार्य बालकृष्णजी महाराज, पतञ्जली विश्वविद्यालय, हरिद्वारको कुलपति हुनुका साथै एक बहुआयामिक व्यक्तित्वको साथ एक उच्च तपस्वी, उद्यमी हुनुहुन्छ, जसलाई योग, आयुर्वेद, संस्कृत भाषा, भारतीय धार्मिक शास्त्र र वेदहरूको अथाह ज्ञान छ। प्राचीन उपचार र जीवनशैलीको पुनरुत्थानमा आफ्नो जीवन समर्पित गरिसकेपछि, उहाँ परम्परागत चिकित्सकहरू र विश्वभरका प्रसिद्ध व्यक्तित्वहरूका लागि प्रेरणाको ठूलो स्रोत बन्नुभएको छ। पतञ्जली आयुर्वेद लिमिटेडको अध्यक्ष र प्रबन्ध निर्देशकको रूपमा उहाँको अद्भुत तथा उत्कृष्ट नेतृत्व र योग तथा आयुर्वेदिक वैज्ञानिक अनुसन्धानमा अथक प्रयत्नहरूले उहाँलाई 'आयुर्वेद विशेषज्ञ', 'मानव रत्न', 'भारत गौरव', ‘Ten Versatile and Dynamic Young Men of India' र ‘UNSDG 10 Most Influential People in Healthcare Award' जस्ता धेरै पुरस्कारहरू दिलाएका छन्।

बाल्यकाल देखि नै बोट-बिरुवाहरूप्रतिको श्रद्दाले गर्दा उहाँ औषधि र पोषणका लागि सबैभन्दा प्रसिद्ध र सम्मानित जडिबुटी विशेषज्ञको रुपमा परिचित हुनुहुन्छ। नयाँ जडिबुटी औषधि निर्माणको लागि चार दुर्लभ औषधिय वनस्पति जस्तै सञ्जिवनी', 'सोमा', 'स्वर्णक्षिरी', 'स्वर्णद्रक' र लोप भइसकेको ‘अष्टवर्ग’ वनस्पतिको खोजी गर्नुभएको छ। उहाँले जैविक विविधता संरक्षण, 'खाद्य बालीको सम्पत्ति', पतञ्जली जडिबुटी उद्यान र पतञ्जली रिसर्च फाउन्डेसन हर्बेरियमको स्थापना, दुर्लभ जडिबुटीको पहिचान र भारतको वनस्पति सर्वेक्षण र विश्व जडिबुटी विश्वकोषको संकलनका लागि धेरै पहलहरू गर्नुभएको छ। उहाँले उत्तराखण्डको मालाग्राम भन्ने ठाउँमा विश्वको महत्त्वपूर्ण औषधीय बोटबिरुवाहरूका लागि समर्पित जडिबुटी बगैँचा स्थापना गर्ने विचार गर्नुभएको छ, जसले एकल लेखासंचयमा विश्वव्यापी जडिबुटीको प्रतिनिधित्व गर्ने उल्लेखनीय इतिहास सिर्जना गर्नेछ। उहाँले विभिन्न जर्नलहरूमा २५० भन्दा बढी अनुसन्धान लेखहरू प्रकाशित गर्नुभएको तथा २१ पेटेन्ट अधिकारहरू प्राप्त गर्नुको साथै योग र आयुर्वेदमा लगभग २०० पुस्तकहरूको लेखन र सम्पादन गर्नुभएको छ।