नेपालमा २०१५ अप्रिलमा गएको विनाशकारी भूकम्पपछि ,काठमाडौंको मण्डिकाटार, बुढानिलकण्ठमा रहेको पतञ्जली सेवा आश्रमको स्थापना भएको हो। यस भूकम्पले धेरै बालबालिकालाई अनाथ बनायो ,जसको पालन पोषण तथा हेरचाह गर्ने कोही पनि नभएको बेलामा पतञ्जली अग्रसर भई सेवा आश्रम स्थापित गरी ती बालबालिकाहरुको सबै प्रकारको जीवनयापन र शिक्षाको जिम्मेवारी लिएको हो। पतञ्जली सेवा आश्रमले सयौं अनाथ बालबालिकाको जीवनलाई आकार दिदै आएको छ। यी मध्ये धेरै बालबालिका अहिले समाजका विभिन्न क्षेत्रमा उत्कृष्ट भएर सफल जीवन बिताइरहेका छन्।
